Зошто жените во Јапонија си ги бричат лицата уште од 10 години?

Жените во Јапонија секогаш биле симбол за мазна, порцелански чиста кожа. Но, имаат тајна која досега сигурно не сте ја знаеле.

Ако повнимателно го погледнете лицето во огледало, под силна светлина, ќе забележите дека имате деликатни, мали и нежни влакненца по целата негова површина. Сепак, ретко која жена посегнува да ги избричи.

За разлика од нас, тоа е рутина за жените во Јапонија.

Кај нив има цели третмани кои вклучуваат бричење на носот, вратот, грбот, ушите, деколтето, рацете...

На пример, неизбричените раце кај нив се симбол за лоша култура и жена која има лоши манири, додека пак бричењето на лицето кај жените се препорачува на секои 3 недели.

Зошто се одлучуваат на овој чекор и зошто бричењето на лицето е дел од нивната рутина за убавина?

Сите салони за убавина тврдат дека по овој третман кожата станува мазна, свежа и сјајна. Шминката се задржува полесно и подолго, а исто така сметаат дека со тоа може да заборавите на акните.

Објаснувањето е дека влакненцата задржуваат прашини, нечистотии и бактерии, кои потоа лесно предизвикуваат иритации.

Секако, не постои гаранција за тоа, па не препорачуваме на своја рака да го направите ова без консултација. 

М. Д. | Црнобело