Како да „спасите“ скршена сенка за очи и уште 7 трикови со кои ќе им дадете втор живот на продуктите за убавина

Ако ви останале неколку капки парфем, додајте ги во лосион за тело со слаб мирис и ќе имате лосион кој мириса на вашиот омилен парфем.

Знаевте ли дека можете да го спасите скршениот кармин? А, знаевте ли дека можете максимално да ја искористите пудрата за лице, вклучувајќи ги и остатоците што се залепени на шишенцето?

Во продолжение неколку трикови со кои ќе им дадете втор живот на продуктите за убавина:

Искористете ја и последната капка парфем

Ако во шишенцето останале само неколку капки парфем, немојте да го фрлате.

Наместо тоа, додајте го во лосион за тело со послаб мирис и ќе имате лосион кој мириса како вашиот омилен парфем.

Максимално искористете ја пудрата за лице

Ако во шишенцето има малку пудра која е практично невозможно да ја искористите, внатре додајте малку од вашиот хидратантен крем и добро промешајте.

Оваа мешавина можете да ја користите како пудра со помала покриеност.

Како да ја исчистите камената пудра?

Постои навистина едноставен трик со кој ќе ги отстраните нечистотиите од камената пудра – со трака селотејп.

Како да ја спасите скршената сенка?

Нема потреба да ја фрлате скршената сенка. Наместо тоа, издробете ја во нејзината амбалажа, додајте 1-2 капки алкохол (околу 90%), па со лажичка втиснете ја сенката во амбалажата.

На крај соберете го вишокот течност со тоалетна хартија и оставете ја да се исуши неколку часа.

Истиот трик можете да го користите и за руж, пудра и слични продукти.

Спасете го засушениот туш

Лесно можете да го вратите тушот за очи во живот – оставете го 15-тина минути во жешка вода.

Скршен кармин

Со овој трик карминот нема да изгледа најдобро, но барем ќе можете да го користите.

Малку загрејте до долниот дел на скршеното парче, па залепете го на амбалажата.

Можете малку да му ја средите формата со лажица или некоја слична алатка и оставете го да се стврдне.

Трик за максимално користење на карминот

Кога ќе стигнете до основата на карминот, ќе забележите дека внатре има уште кармин, но кој не можете да го употребите оригиналната амбалажа.

Но, можете да го извадите, да го стопите во лажица и да го ставите во мал пластичен сад. Со ова ќе си направите кармин кој се нанесува со четка.

Засушен лак

Ако не можете да го отворите шишенцето лак, прво потопете го во жешка вода неколку минути. Потоа завиткајте го капачето со гумен ластик за да можете да го фатите поцврсто и отворете го.

Спирова С. | Црнобело