Скока на јаже и во бременоста - Адријана Лима ги откри тајните за совршен изглед (фото)

Голем број бремени жени имаат проблеми со кожата на лицето, а Адријана Лима блеска и со третото дете, дополнително се чини дека таа има стомачни мускули и врз трудничкиот стомак. Неодамна манекенката откри што прави за и во третата бременост да изгледа совршено?

Моделот Адријана Лима (40) важи за една од најубавите жени во светот, а неодамна на црвениот тепих на Филмскиот фестивал доминираше во гламурозни изданија во кои го покажа трудничкиот стомак.

Бременоста е период од кој најголем број од жените стравуваат. Телото во целост ви се менува, а заради големите хормонални промени, можни се проблеми со кожата на лицето, подуеност, појава на стрии, целулит...

Лима која во моментов е бремена по третпат, неодамна даде опширно интервју за Marie Claire каде говореше кои се нејзините трикови со кои успева да изгледа совршено иако е веќе во поодмината фаза од бременоста.

За неа важи животното мото: „храната е гориво, движењето е задолжително и мора да водите сметка за својот разум“, а тоа го применува и за време на бременоста.

„Сакам да бидам пример за моите деца и да ги научам дека треба да се грижат за себеси и тоа не само за надворешниот изглед, туку и за внатрешниот мир, важно е што јадат, но и како се чувствуваат“ – вели таа.

Еден од највпечатливите делови од телото на Лима е нејзиното чисто лице. Адријана овојпат реши да открие во што се крие нејзината тајна:

„Мојот трик е во тоа што кога го мијам лицето не користам вода од чешма, туку користам само прочистена вода од шише. Водата од чешма содржи хемикалии и го поттикнува развојот на бактерии. Исто така можете да користите и машина за филтрирање на водата“ – вели Адријана.

Кога станува збор за чистото лице, убавата Бразилка открива дека користи само лесна шминка, со основа во која е инкорпориран и фактор за заштита од сонце.

Лима открива дека за време на бременоста мора да биде мошне внимателна за производите што ги користи, а како што вели, одлучила сите вообичаени производи да ги замени со органска козметика, а освен тоа не пропушта да вежба во теретаната.

„За да се загреам сакам да правам кардио вежби. Околу 5 до 10 минути се загревам со скокање на јаже, а доколку сте добри со правење пируиети и не сакате да вежбате во теретана, можете да направите 150 пируети, но не одеднаш!

Добро е да правите по 10 до 15 во серија. Загревањето е одлично за да ве разбуди и да ја поттикне циркулацијата на крвта“ – вели Адријана.

Погледнете неколку нејзини фотографии направени за време на појавувањето на Канскиот Фестивал:

Б. С. Б. | Црнобело