Екстензии за коса со шнола и уште 5 предмети за нега и убавина кои не вреди да ги купувате

Ако имате долга коса, веројатно постојано ја собирате со ластиче, особено кога времето е топло. Но, најдобро избегнувајте да користите „обични“ ластичиња бидејќи многу ја стегаат косата и можат да ги искинат влакната. Наместо нив, купете си неколку меки, волуменозни стегачи кои периодов се и модерни.

Кога станува збор за нега и убавина, покрај продуктите користиме и секакви предмети – од виклери и чешел за коса, сè до четки за шминкање.

Додека повеќето вакви предмети се навистина ефикасни, а неретко и неопходни, за некои навистина не вреди да даваме пари.

Дел од нив во продолжение:

Екстензии за коса со шнола

Ако сакате да ставите надградба на коса, секогаш е подобро да одите во салон за да ви стават трајни екстензии.

Екстензиите со шноли скоро секогаш се со лош квалитет, а и треба да бидете навистина умешни за да ги наместите правилно.

Но, имајте на ум дека и трајните екстензии можат да предизвикаат проблеми – можат да ја оштетат вашата коса и да предизвикаат дополнителен притисок на скалпот, а со тоа и болка.

Виклери со велкро

Виклерите се одличен начин да ја навиткате косата без да ја третирате со топлина.

Но, по секоја цена избегнувајте ги виклерите со велкро. Бидејќи косата лесно се заплеткува во нив, можете многу да ја оштетите додека ги вадите.

Метални шноли

Пробајте да ги избегнувате шнолите со метални запци.

Покрај тоа што се потешки и можат да предизвикаат болка, бидејќи се метални можат полесно да ја оштетат и косата, и скалпот.

Пластичните, па и дрвените шноли се многу подобар избор.

Стегачи

Не треба да ги исфрлите стегачите од употреба, но пробајте да им дадете предност на оние меките.

„Обичните“ стегачи многу ја стегаат косата, но и ја кинат.

Од друга страна, меките стегачи кои се хит периодов нема да направат скоро никаква штета на вашата коса.

Пластичен чешел или четка за коса

Најголемиот проблем со којшто ќе се соочите ако користите пластичен чешел е електрицитетот. Ова е особено изразено во зима.

Поради материјалот од којшто се изработени, со дрвените чешли и четки за коса нема да го имате овој проблем.

Конец за заби со пластичен држач

Пластичниот држач нема апсолутно никаква улога и само создава пластичен отпад. Покрај тоа, неретко конецот за заби спакуван на овој начин е и многу поскап.

Сосема доволно е да купите конец за заби во вообичаена амбалажа од која можете да го кинете по потреба.

Спирова С. | Црнобело