Најчестите грешки поради кои домашниот маникир ви е неуспешен

Не ги подготвувате ноктите за лакирање, ги оштетувате со турпијата и нанесувате само еден слој лак.

Дали сакате да правите маникир во домашни услови, но никогаш не сте задоволни од резултатот?

Тогаш можеби правите некоја од следниве грешки:

Не ги подготвувате ноктите за лакирање

Ноктите треба да бидат потполно суви пред да го нанесете лакот.

Исто така, на нив не треба да има масла или крем за раце бидејќи нема да можете рамномерно да го распоредите лакот.

Пред да го ставите лакот, пак, препорачливо е да ставите и основа која ќе ги заштити ноктите од лакот, но и ќе ја истакне неговата боја.

Го тресете шишенцето за да го измешате лакот

Препорачливо е пред да се лакирате да го измешате лакот, особено ако не сте го користеле долго време.

Но, немојте да го тресете бидејќи на овој начин можат да се создадат меурчиња.

Наместо тоа, тркалајте го помеѓу дланките како на фотографијата десно.

Не користите мала четка

Откако ќе се лакирате со големата четка од лакот, употребете и мала четка за да ги пополните тешко достапните места до кожата.

За ова можете да употребите каква било мала четкичка – можете дури и да исечете некоја од стар лак што веќе не го користите.

Миете садови или се туширате веднаш откако ќе направите маникир

Иако навидум лакот за нокти се суши за неколку минути, препорачливо е да почекате барем два часа пред да миете садови, да се туширате или да правите што било што може да го оштети маникирот.

Сепак, потребно е повеќе време за да се исушат сите слоеви на лакот.

Уште пет грешки на следната страница...