Што ѝ прават сулфатите на вашата коса и зошто ги има во шампоните?

Сулфатот е состојка што ја има во многу шампони за коса и додека генерално се безопасни, во некои случаи е препорачливо да ги избегнувате.

Сулфатите се хемикалии кои производителите ги користат како средства за чистење или пенење. Многу производи за хигиена, како што се паста за заби и шампони, содржат сулфати.

Што ѝ прават сулфатите на вашата коса?

Сулфатите се корисни за да му помогнат на шампонот да се измеша со вода и се одговорни за пенестата текстура што ја добивате кога ја миете косата.

Исто така, може да им помогне на сите активни состојки во шампонот да делуваат подлабоко во косата за да ги отстранат нечистотијата и вишокот маснотии.

Најчестите сулфати кои се наоѓаат во шампоните купени во продавница вклучуваат натриум лаурил сулфат или натриум лаурет сулфат.

Други производи може да содржат и мали варијации на овие соединенија. Овие не се вистински сулфати, но ја извршуваат истата улога.

Дали сулфатите се опасни?

Сулфатите му помагаат на шампонот да ги отстрани мастите и нечистотијата од косата. Но сепак, косата треба да задржи малку од своите природни масла и влажност за да остане здрава.

Сулфатите може да ја отстранат влагата од косата, оставајќи ја косата сува. Тие исто така може да го направат скалпот сув и склон кон иритација. 

Постои верување дека сулфатите можат да се акумулираат во организмот и да предизвикаат здравствени проблеми, но ова најверојатно не е точно.

Додека сулфатите можат да се акумулираат, ова количество е занемарливо и засега нема докази дека предизвиквуа сериозни проблеми со здрвјето. 

Кој треба да избегнува шампони со сулфати?

Иако се генерално безопасни, за некои луѓе сепак е препорачливо да избегнуваат продукти со сулфати. 

Луѓе со кожни заболувања или многу чувствителна кожа: Сулфатите не се навистина погодни за луѓе со чувствителна кожа или скалп. Ако имате кожни заболувања како егзема или псоријаза, вреди да се префрлите на шампон без сулфат. 

Луѓе со кадрава коса: Познато е дека сулфатите ја зголемуваат сувоста на косата и ги отстрануваат природните масла и влагата. Советите за кадрава коса секогаш наведуваат дека овој тип коса е веќе природно сува, а затоа е најдобро да одберете шампон без сулфати.

Луѓе со фарбана коса: Ако сакате да ја фарбате косата, тогаш сулфатите се големо „не“ за вас. Тие можат да предизвикаат бојата да избледе побрзо, што значи дека вашата свежа боја нема да трае долго и за многу краток период ќе треба пак да ја фарбате косата.

M. Г. | Црнобело / фото: pixabay.com