Трик со вазелин за природно долги и густи трепки – нов хит за шминкање (видео)

На трепките се нанесува поголема количина вазелин и се виткаат со виткач за очи. Дали овој трик навистина делува и што треба да знаете пред да почнете да го користите?

Сите што користат шминка знаат колку е тешко да се најде добра маскара, што не прави грутки, не се суши и не се распаѓа на лицето, а се чини дека токму таа им претставува и најголем проблем на сите оние што сакаат да постигнат природен изглед во шминкањето.

На ТикТок масовно се споделува трикот за замена на маскарата со вазелин. Вазелинот може да се купи во сите аптеки по релативно ниска цена, а според искуствата на некои од жените што го пробале овој трик, ефектот е воочлив.

Постапката е едноставна:

Со чисти раце се нанесува поголемо количество вазелин на трепките и потоа истите се виткаат со виткач за трепки, којшто се задржува околу 10-тина секунди.

„Ако не користите вазелин за да ги извиткакте трепките тогаш не знаете што пропуштате“ – вели една корисничка на ТикТок, чиешто видео досега е прегледано над 3,9 милиони пати.

@brighattas #lashhack ♬ good 4 u - Olivia Rodrigo

Друга корисничка пак, направи видео во кое покажува како изгледаат трепките и по неколку часа носење вазелин на нив, и како единствен недостаток го напоменува тоа што капаците на очите ѝ се мошне мрсни, па како што вели, со овој трик дефинитивно нема намера да користи сенки за очи.

@beauty.with.cait #stitch with @wearsbri vaseline to curl eyelashes??? does it pass the all day wear test?? #beautyhacks #makeuphacks #eyelash #vaseline ♬ good 4 u - Olivia Rodrigo

Секако, овој трик може да го користите кога сакате да постигнете природно долги трепки без шминка, не и кога сакате да се нашминкате за некој настан. 

 Б. С. Б. | Црнобело