8 грешки што треба да ги избегнувате кога сами ја фарбате косата

Немојте да се фарбате барем 24 часа откако ќе ја измиете косата и не се обидувајте да ја осветлите темната фарбана коса со посветла фарба.

Иако одењето во фризерски салон е наједноставниот начин да ја промениме бојата на косата, некогаш сакаме да експериментираме и дома.

Но, доколку се фарбате дома, мора да бидете свесни за некои грешки кои можат да имаат влијание врз крајниот резултат.

Осум грешки што треба да ги избегнувате:

Не ја земате предвид нијансата на вашата коса пред да ставите дречлива фарба

Дречливите фарби се ефикасни само на руса коса. Но, мора да имате предвид дека резултатот од фарбата може да варира во зависност од нијансата на русата коса.

Ако, на пример, вашата коса има жолта нијанса, кога ќе ставите сина, можно е да добиете зелена боја.

Поради ова, кога станува збор за дречливи бои, секогаш е побезбедно да одите на фризер.

Ја миете косата пред фарбање

Не треба да ја миете косата пред фарбање, а ова го пишува и на повеќето фарби за коса.

Нашиот скалп лачи масла кои служат како заштита од потенцијална иритација на кожата од фарбата.

Најдобро е да почекате барем 24 часа по миењето на косата за да се офарбате.

Ја нанесувате фарбата на влажна коса

Косата мора да биде потполно сува кога ја нанесувате фарбата.

Влагата може да ја разреди фарбата и на крај ќе останете со неизедначена боја.

Не ја штитите кожата од фарбата

Речиси неизбежно е да ги извалкате челото, ушите и вратот кога се фарбате сами, но барем можете да ги заштитите.

Пред да почнете со фарбање, на овие области ставете помрсен крем, па дури и вазелин.

Потоа многу полесно ќе ја отстраните фарбата од кожата.

Продолжува на следната страница...