8 грешки што треба да ги избегнувате кога сами ја фарбате косата

Користите фарба за да осветлите фарбана коса

Ако сакате да ја осветлите косата, а претходно имате ставено темна фарба, нема да го добиете посакуваниот резултат со посветла фарба.

За осветлување фарбана коса обично се користат бланш и слични продукти и третмани.

Но, бидејќи со овие продукти лесно можете да ја оштетите косата ако сте неискусни, секогаш е подобро за ваков третман да одите кај професионалец.

Ставате фарба и хидроген „од око“

Со секоја фарба се продава доволно хидроген (или разредувач) за количеството фарба што го има во шишенцето.

Но, ако сакате да ставите помалку фарба, немојте да го мерите разредувачот „од око“.

Мешањето на овие состојки е како хемиски експеримент и треба да ставите точно одредена количина за да го извлечете најдоброто од фарбата.

Ја мешате фарбата со метален предмет

Избегнувајте да ги мешате фарбата и разредувачот со метален предмет, како лажичка.

Металот може да ја оксидира фарбата, а ова ќе има влијание на крајниот резултат.

Од истата причина, избегнувајте да ја собирате косата со метална шнола пред да ја измиете фарбата.

Почнувате со фарбање од горните слоеви

Веројатно сте забележале дека фризерите почнуваат со фарбање од најдолните слоеви, и има причина за тоа.

Најпрво, овој пристап е попрактичен и помала е веројатноста да ви се измешаат прамените со и без фарба.

Покрај тоа, горните слоеви од косата обично побрзо ги „впиваат“ пигментите од фарбата, па ако почнете до долните, бојата ќе биде порамномерна.

Спирова С. | Црнобело