5 совети како да ги израснете шишките (пред пак да ги скратите затоа што ви паѓаат во очи)

Ако подолго време носите шишки и сега сакате да ги израснете, веројатно процесот на растење ќе ви досади, па ќе добиете желба да ги земете ножиците и пак да ги потстрижете.

Дали на ум долго време ви се врти идејата да ги пуштите шишките?

Прочитајте ги овие пет совети со чија помош, се надеваме, успешно ќе ги израснете шишките уште од прва.

Чувајте ја вашата коса здрава

Најдобриот начин брзо да ги израснете шишките е да ја одржувате косата здрава. Затоа правете третмани со кои ќе го поттикнете растот на косата.

На пример, можете да ставате хидратантна маска за скалпот. Или користете шампони за поттикнување на растот во комбинација со шампонот што го користите регуларно.

Од друга страна, ако вашата коса е слаба, таа ќе биде повеќе склона кон кршење, што може да го продолжи периодот на растење.

Исечете го центарот на вашите шишки

Ова можеби ќе ви звучи неверојатно, но ако ги потстрижувате шишките редовно, тие само ќе растат побрзо. Одете на фризер и побарајте од вашиот стилист да ви ги скрати шишките меѓу веѓите или да ги разреди и да добијат поинаква текстура.

Ваквите шишки ќе паѓаат поблаго и за кратко ќе почнат да ви се обликуваат околу лицето, во зависност од тоа колку се долги.

Направете слоеви на шишките

Штом вашите шишки ќе пораснат доволно, побарајте од вашиот фризер да ви ги потстрижи шишките во слоеви за да се обликуваат околу лицето и да може беспрекорно да се вклопат во остатокот од вашата коса.

Потстрижувањето во неколку пократки внатрешни слоеви ќе ѝ даде и волумен на косата.

Користете шноли или венче

Кога ќе почнете да се двоумите дали да ги потстрижите или да им дадете уште една шанса да пораснат, наједноставно е да ги соберете со шноли или да почнете да носите венче.

Зголемете го волуменот

Друг начин да ги држите шишките подалеку од вашето лице додека чекате да пораснат е да им дадете волумен. Почнете да ги прскате со шампон за суво миење или со спреј за волумен.

Така, шишките ќе ви се поткреваат и нема да ви паѓаат во очи, дури и додека се во онаа најлошата должина што сигурно ви пречи.

Екстра совет: Фенирањето е многу важно за секаков вид шишки, па затоа секогаш сушете ги со фен и четка, во спротивна насока од лицето, па спуштете ги назад. Така ќе добијат екстра волумен.

А. Ј. | Црнобело