Ниту Џеј Ло не е имуна на подбрадок – го откри трикот со кој таа го прикрива со шминка (видео)

Џенифер Лопез важи за една од најубавите жени на светот, но признава дека како и повеќето дами, и таа мачи мака со подбрадокот. За да го скрие, таа користи техника на контурирање и неколку трикови, што ги сподели во видео за „Vogue“.

Џенифер Лопез вели дека ни неа не ѝ е лесно секогаш да изгледа младешки и свежо. На 53 години пејачката негира дека направила каква било естетска корекција на лицето.

Таа открива дека нејзиниот добар изглед и во шестата деценија се должи на доволно квалитетен сон и добра шминка.

Лопез неодамна сними видео за „Vogue“ во кое покажа како се шминка самата и како го решава најголемиот проблем на своето лице – подбрадокот, во што ќе се пронајдат многу дами. 

„За да изгледате младо, потребен е квалитетен сон. Е сега, тоа значи или да спиете помалку од четири часа или да спиете повеќе од седум часа“, вели Лопез на почетокот на видеото, пред да почне со шминкање.

Таа за својата публика покажа како постигнува младешки изглед со шминка која брише децении од нејзиното лице.

Џенифер го контурира лицето со темен бронзер, а нанесува коректор на стратешките места - образите и брадата.

„Порано ставав коректор на средината на образите, но сега линијата ја ставам погоре, над нив и така добивам поголем ефект, како да го поткрева лицето“, раскажува таа.

Сепак, најголемо внимание привлече советот за тоа како го крие подбрадокот.

Таа прво нанесува пудра на лицето, а потоа темен бронзер на брадата и по должината на вилицата. Ги блендира нанесените производи додека не се спојат со пудрата на брадата, па така подбрадокот станува помалку видлив.

„Ставам потемна контура на подбрадокот. Кога ќе го затемнам, не свети толку многу и брадата не доаѓа толку до израз. На крајот пак блендирам со дебела четка за контури“, вели Лопез во видеото.

Погледнете како да се нашминкате како Џенифер Лопез и да ги скриете недостатоците:

А. Ј. | Црнобело