Кои се здравствените придобивки од спирулина и дали може да ја користи секој?

Го регулира нивото на гликоза. И во овој случај се потребни дополнителни истражувања, но најверојатно спирулината го регулира нивото на шеќер во крвта – нешто што е особено важно за дијабетичарите.

Го намалува холестеролот. Високиот холестерол го зголемува ризикот од проблеми со срцето. Што значи, спирулината е добра и за кардиоваскуларниот систем.

Го намалува крвниот притисок. Мало истражување покажало дека спирулината може да го намали крвниот притисок кај луѓе со прекумерна тежина.

Го поттикнува менталното здравје. Според една теорија, спирулината можеби е добра за менталното здравје бидејќи содржи аминокиселина која го поттикнува лачењето серотонин. Потребни се дополнителни истражувања за ова, па немојте да пробувате да лекувате депресија и слични проблеми со спирулина, без професионална помош.

Дали има несакани ефекти кој треба да ја избегнува?

Иако спирулината е суперхрана, препорачливо е да се консултирате со лекар пред да почнете да ја консумирате.

Исто така, важно е да ја купите од проверен продавач за да бидете сигурни дека добивате квалитетен продукт.

Спирулината не е препорачлива за бремени жени бидејќи засега нема доволно истражувања за тоа колку е безбедна за нив.

Спирулината не е препорачлива и за луѓе кои имаат проблеми со згрутчување на крвта.

Ако имате дијабетес, задолжително консултирајте се со лекар пред да почнете да користите спирулина бидејќи може да има влијание врз нивото на шеќер во крвта.

Ако имате некоја автоимуна болест, како лупус, задолжително разговарајте со лекар пред да почнете да користите спирулина бидејќи во некои случаи може да ги влоши симптомите.

Исто така, спирулината може да создаде реакција со одредени лекови, па ако пиете каква било терапија, повторно консултирајте се со лекар.

Нема многу истражувања за „предозирање“ со спирулина, но ако консумирате премногу, може да се јават симптоми како гадење, повраќање, дијареја, главоболка и вртоглавица.

Како што спомнавме неколкупати, задолжително разговарајте се со лекар пред да почнете да користите спирулина. Ако забележите какви било непријатни симптоми откако ќе почнете да ја консумирате, повторно консултирајте се со лекар.

Спирова С. | Црнобело