Предупредувачки симптоми кои луѓето обично ги игнорираат, а не треба, според лекари

„Неколкупати сум имал бремени пациентки кои не дошле веднаш штом забележале дека бебето не се движи како порано. Ако забележите и најмала промена, важно е веднаш да одите на лекар!“

Ако сте со релативно добро здравје, тогаш веројатно некои симптоми не ги сфаќате сериозно.

Односно, мислите дека е некој мал проблем и наместо да се консултирате со лекар, чекате со денови за да видите дали состојбата ќе ви се подобри.

Во повеќето случаи, веројатно и не е во прашање сериозен проблем, но некогаш, раното одење на лекар може да значи живот или смрт.

Па, кои се симптомите што никогаш не треба да се игнорираат, според лекари?

„Мали израстоци на непцето. Можат да бидат предизвикани од многу работи, но ако имате расипан заб, може да се знак за апсцес (инфицирана пулпа а забот). И, ова може да води до посериозни проблеми доколку не се третира“.

„Сум имал пациенти кои доаѓале во болница дури шест дена откако почнале да чувствуваат болка во градите. Ако чекате толку долго, може да биде предоцна – никогаш не ги игнорирајте болките во градите што не поминуваат“.

„Многу луѓе кои чувствуваат симптоми на мозочен удар, чекаат до следниот ден за да видат дали состојбата ќе им се подобри. Никогаш не ги игнорирајте овие симптоми, не чекајте и веднаш одете на лекар!“

„Јас сум подијатар. Враснатите нокти се проблем што никогаш не треба да го игнорирате. Сум имал многу случаи каде луѓето пробувале да ги средат сами и си создале уште повеќе проблеми“.

„Неколкупати сум имал бремени пациентки кои не доаѓале веднаш штом ќе забележат дека бебето не се движи како порано. Ако забележите и најмала промена, важно е веднаш да одите на лекар“.

„Немојте да игнорирате ако не можете да одите во тоалет. Минатата недела имав тројца пациенти со вакви проблеми кои не сакаа да дојдат и си создава дополнителни проблеми“.

„Никогаш не ги игнорирајте проблемите со оралното здравје. Инфекцијата од расипан заб може буквално да ве убие“.

Спирова С. | Црнобело