Кои се симптомите на конго-кримската хеморагична треска и во кои држави, покрај Македонија, е присутна?

Како се лекува болеста?

Генерално, кај заболените лекарите се обидуваат да се справат со симптомите од болеста, односно да ја одржат рамнотежата на флуиди во телото и да се справат со абнормалноста на електролити.

Истовремено, се третираат и други инфекции доколку се појават.

На пациентите им се дава и лек – рибавирин – со кој се спречува размножувањето на вирусот и се намалува неговата моќ.

Во кои држави е присутен вирусот и како можете да се заштитите?

Вирусот што ја предизвикува болеста е ендемичен во неколку земји. Ова значи дека, генерално, тој е постојано присутен во овие области.

Но, ако вирусот е ендемичен во некоја држава, не значи дека го има на целата нејзина територија – можно е да станува збор за само одделни области.

Конго-кримската хеморагична треска е ендемична во Македонија, како и околните држави вклучувајќи ги Албанија, Босна и Херцеговина, Бугарија, Хрватска, Србија…

Вирусот е присутен и во неколку африкански држави, како Египет, Етиопија, Кенија и Јужноафриканска Република.

Го има и во Турција и неколку азиски држави како Иран, Ирак, Пакистан, како и во дел од Русија.

Засега нема вакцина за оваа болест и потребни се дополнителни истражувања за оваа цел.

Според Центарот за контрола и превенција на болести од САД, лицата кои работат со животни е препорачливо да носат ракавици и друга заштита. Препорачливо е и на животните редовно да се ставаат средства против крлежи.

Исто така, ако одите во област со крлежи, носете облека со долги ракави и ногавици и користете средства против инсекти.

Држете се настрана од животни кои покажуваат симптоми на болеста.

Ако се сомневате дека некој ваш близок ја има болеста, внимавајте да не дојдете во контакт со негова крв или телесни течности и веднаш обратете се кај надлежните органи.

Спирова С. | Црнобело