Како се пренесува, кои се симптомите и дали има лек? Сè што треба да знаете за сифилис

Терцијарен сифилис

Ова е посериозна фаза од болеста која се јавува кај 15% до 30% од луѓето со сифилис кои не ја лекувале болеста.

Терцијарната фаза може да се јави многу години по заразата со болеста.

Во овој период веќе почнуваат да настануваат компликации, вклучувајќи сериозно оштетување на мозокот, нервите, очите, срцето, крвните садови, црниот дроб, коските и зглобовите.

Вроден сифилис

Во овој случај, бебето е заразено од неговата мајка или од плацентата, или за време на породувањето.

Повеќето бебиња на почетокот не покажуваат симптоми, но кај некои може да се јави осип на дланките и стапалата.

Подоцна можат да се појават симптоми како глувост и искривени заби.

Некогаш бебињата со сифилис се раѓаат прерано, а некогаш, за жал, умираат пред да бидат родени.

Како се лекува?

Ако сте имале незаштитен сексуален однос со личност која не ви е постојан партнер, препорачливо е да се тестирате не само за сифилис, туку и за други сексуално преносливи болести.

Одете на лекар и ако забележите кој било од симптомите што ги спомнавме.

Болеста обично се лекува со пеницилин кој ќе ви ги препише вашиот лекар. Ако сте алергични на пеницилин, ќе ви биде препишан некој друг антибиотик.

Ако почнете со лекување кратко по заразувањето, најверојатно ќе ги избегнете сите компликации, а постои можност да бидете излечени и со само една инјекција.

Но, ако веќе настанало оштетување на некои органи, терапијата за антибиотици нема да ја поправи штетата на организмот.

Важно е да знаете и дека само затоа што сте ја прележале болеста, не значи дека сте имуни. Односно, откако ќе бидете излечени, можно е повторно да се заразите.

По препишаната терапија, вашиот лекар најверојатно ќе ви направи уште неколку крвни тестови. Истовремено, ќе добиете препорака да немате сексуални односи додека не сте потполно излечени.

Ако дознаете дека имате сифилис, известете ги вашите сексуални партнери со цел да се прегледаат и навреме да почнат со лекување доколку треба.

Кој е изложен на најголем ризик и како да се заштитите?

Ако сте сексуално активни, можете да се заразите со сифилис ако имате незаштитен сексуален однос.

Оние кои не се во моногамна врска, односно кои имаат повеќе сексуални партнери, се изложени на поголем ризик од зараза.

Единствениот начин да се заштитите е секогаш да користите кондом.

Ако имате односи со непостојани партнери, користете кондом дури и за орален секс.

Спирова С. | Црнобело