Кои се најчестите симптоми на алергија на храна и кога можат да бидат опасни по живот?

Кога треба да одите на лекар?

Ако се јават симптоми на анафилакса, мора задолжително да повикате брза помош.

Ако, пак, чувствувате послаби симптоми и се сомневате дека имате алергија на некоја храна, вашиот лекар може да направи неколку тестови со кои ќе ја утврди.

Најпрво ќе бидете прашани за симптомите, а ќе ви биде направен и преглед во случај да се предизвикани од друг проблем.

Можно е да ви биде направена крвна слика, како и алерго тест на кожата.

Кои се најчестите алергии на храна и постои ли лек?

Храната која најчесто предизвикува алергии кај децата, но и кај возрасните, вклучува:

• Млеко и млечни производи
• Јаткасти плодови и кикиритки
• Јајца
• Соја
• Сусам
• Жито
• Риба и школки

Не постои лек за алергии и единствениот начин да ги избегнете симптомите е да ја избегнувате храната на којашто сте алергични.

Ако случајно дојдете во контакт со храна со којашто се алергични и се јават поблаги симптоми, можно е да ви бидат дадени антихистамини – лекови кои ќе помогнат во повлекувањето на симптомите.

Во случај на сериозна реакција, важно е да реагирате брзо и веднаш да одите на лекар или да повикате брза помош.

Ако имате сериозна алергија, лекарот може да ви даде и инјекција која е препорачливо да ја носите со вас, во случај да дојдете во контакт со храната на којашто сте алергични.

Исто така, ако имате сериозна алергија, не ризикувајте и ако не сте сигурни за состојките на некоја храна, најдобро не ја јадете воопшто.

Спирова С. | Црнобело