Чело, грб, рамена: Зошто се појавуваат акни на разни делови од телото?

Околу устата

Покрај хормоналните промени и несоодветни продукти за нега, акните околу усните можат да се појават поради често допирање на овој дел од лицето, но и поради користење валкана крпа.

Акните можат да се влошат ако не го чистите телефонот – кога зборувате од него ги пренесувате бактериите на лицето.

Кај луѓе со почувствителна кожа и свирењето дувачки инструмент, како и носењето шлем може да предизвика појава на акни околу устата.

Нозе

Акните на нозете се поретка појава, но сепак постојат.

Можат да бидат предизвикани од носење облека од материјал што ја задушува кожата, како и седење во испотени панталони, тренерки и слично.

И вежбањето во валкана теретана може да предизвика појава на акни на нозете.

Вилица и врат

Кај мажите, акните на вилицата и вратот можат да бидат предизвикани од продукти за бричење, но и самото бричење.

И несоодветните продукти за лице кои ги затнуваат порите можат да предизвикаат акни во оваа област.

Музичките инструменти кои го допираат овој дел од лицето, како виолина, исто така можат да бидат причина.

Рамена

Обично акните на рамената се последица од хормонални промени, а некогаш и од триењето што се создава со облеката.

Ако често носите ранец и имате почувствителна кожа, исто така можат да ви се појават акни.

Ако направите промени во секојдневието, но акните не ви поминуваат, тогаш е најдобро да се консултирате со дерматолог.

Акните не секогаш се од надворешни фактори, како шминки и продукти, а дерматологот ќе ви помогне да ја воочите вистинската причина и да го најдете соодветниот третман.

Спирова С. | Црнобело