Луѓе, животни или базен - Како можете да се заразите со шуга?

Дали може да се заразите во јавен базен?

Шугата се пренесува со продолжен контакт на кожа со кожа, а понекогаш и преку облека, постелнина или крпи што ги користи лице заразено со шуга.

Многу е тешко да се добие шуга на базен.

Дури и ако пациентот има красти, мал број паразити на шуга живеат на заразеното лице, а многу тешко можат да излезат од раните додека кожата е влажна.

Како да ги отстраните паразитите од шуга од вашиот тепих и облека?

Кога не се на луѓе, паразитите од шуга не можат да преживеат повеќе од 2-3 дена. 

Постелнината, облеката и крпите што ги користи заразено лице може да се дезинфицираат со перење во топла вода или хемиско чистење. 

Работите што не можат да се мијат во машина или да се испратат на хемиско треба да се стават на место каде што нема да бидат во контакт со заразено лице најмалку 72 часа.

Бидејќи луѓето со шуга се многу заразни, препорачливо е темелно да се исчистат мебелот и тепихот во собата каде што престојувала личноста со шуга.

Како се лекува шугата?

Само лекар може да потврди дали се работи за шуга и да ви препише соодветен крем или маст - средство кое ги уништува паразитите кои предизвикуваат шуга.

Доколку се случи шугата да биде придружена со бактериска инфекција, може да се применат некои антибиотици. Но, не пиете антибиотици на своја рака, туку само ако ви се препишани.

Третманот на шуга кај луѓето обично вклучува примена на маст која се нанесува на сите делови на телото, од вратот надолу, и се остава да делува најмалку осум часа. 

Маста обично се нанесува само еднаш, а доколку повторно се појави осип, тогаш третманот се повторува.

С. Ш. | Црнобело / фото: freepik.com