Вие прашувате, психолог одговара: „Како да се ослободам од постојаниот страв дека ќе се случи нешто лошо – смрт на најблиските, несреќа?“

На прашањата од нашите читатели одговара лиценциран психолог/терапевт.

Прашањата за психолозите може да ги ни ги испраќате на нашиот мејл Оваа е-адреса е заштитена од спамботови. Треба да ви е овозможено JavaScript за да ја видите. – истите треба да бидат концизни и со кирилична поддршка.

Прашање од читател:

„Како да се ослободам од постојаниот страв дека ќе се случи нешто лошо – смрт на најблиските, несреќа, постојано живеам во грч?“

Одговор од психолог, Катерина Крстевска Ристески:

Можете да се обидете да истражите како се заплашувате со овие можни ситуации и од каде доаѓаат мислите кои ја предизвикуваат оваа ваша состојба. Проверете дали некоја дразба од надвор влијае врз начинот на вашето размислување.

Живееме во време во кое постојано сме изложени на огромно количество на информации, без разлика дали се работи за информации кои ги добиваме од социјалните мрежи, гледајќи вести, во разговор со познаници и пријатели или на некој друг начин.

Некои од тие информации ни влијаат позитивно, некои негативно, некои не се од никакво значење за нас, но сепак, ни одземаат време и енергија да ги примиме и обработиме.

Што правиме со овие информации и како ги користиме може да влијае на нашето секојдневно функционирање.

Истражете дали можеби се работи за некој страв кој се наоѓа длабоко во вас, кој е поддржан од некое ваше претходно искуство.

Бидете свесни како си ја трошите енергијата обидувајќи се да ги замислите сите можни варијанти кои можат да се случат во иднина или кои би можеле да се случат во минатото доколку сте се однесувале поинаку или би направиле нешто поразлично од тоа што е.

Како размислувањето за минатото или иднината нè одвлекува од живеењето на сегашниот момент и тоа што се случува сега и овде?

Ова се само неколку работите кои би можеле да влијаат на начинот на кој функционираме.

Што се однесува до прашањето како да се ослободите од стравот, не постои универзално решение.

Сите како луѓе сме различни и имаме различни доживувања и перцепција на работите, затоа секој од нас треба да работа на изнаоѓање идеално индивидуално решение.

Наоѓањето на дразбата која го предизвикува вашиот страв, може да ви даде насока во која да работите на себе понатаму.

Побарајте бесплатна консултација или закажете сесија со Катерина Крстевска Ристески, дипл. психолог ТУКА.

Разговарајте со лиценциран психолог и надминете ги предизвиците.

©CRNOBELO.com Забрането преземање и копирање. Крадењето на авторски текстови е казниво со закон.

фото: приватна архива / depositphotos.com