Вие прашувате, психолог одговара: „Не можам ни да ја погледнам ќерка ми – дали имам постпородилна депресија?“

На прашањата од нашите читатели одговара лиценциран психолог/терапевт.

Прашањата за психолозите може да ни ги испраќате на нашиот мејл Оваа е-адреса е заштитена од спамботови. Треба да ви е овозможено JavaScript за да ја видите. – истите треба да бидат концизни и со кирилична поддршка.

Прашање од читател:

„Откако ја родив ќерката, чувствувам дека не можам ниту да ја погледнам. Немам желба ниту да ја дојам. Целата грижа за неа ја презема сопругот…

Дали е можно да страдам од постпородилна депресија и каде треба да побарам помош?“

Одговор од психолог, Сања Бојковска-Ѓорѓевиќ:

Почитувана, верувам дека овој период е нов и предизвикувачки за Вас.

Многу фактори придонесуваат кон емоционалната благосостојба на жената после породувањето како:

• Физичките промени на телото
• Влијание на медиумите и пласирањето на „совршени мајки“
• Несакана бременост
• Трауматично искуство во бременоста и со породувањето
• Поддршката од семејството и партнерот
• Искривена перцепција за мајчинството

За да констатираме дали се работи за постпородилна депресија треба да се воочат следниве симптоми: замор, промена во режимот на спиење и исхраната, тешкотии во концентрација, губење интерес за вообичаените активности, наметливи мисли за себе и бебето, чувство на тага, безнадежност, раздразливост, недостаток на самодоверба, искривен поглед на реалноста, недостаток и слаба поврзаност со детето, семејството, партнерот...

Грижата за себе е од суштинско значење за одржување на менталното здравје на новите мајки, а многу често се става на второ место по раѓањето на бебето.

Квалитетен сон, јадење здрава храна, физичка активност, прошетки во природа, вежби за релаксација, разговор со пријателки, постепено враќање на сите оние активности што претходно ве исполнувале се дел од работите со кои можете да си помогнете во оваа состојба.

Навистина е значајна поддршката која ја имате од сопругот и во комбинација со разговори со терапевт, би можеле полесно да се справите со овој предизвик.

Неопходно е да побарате стручна помош ако се чувствувате вознемирени по раѓањето на вашето дете, бидејќи грижата за вашата емоционална состојба е многу значајна, како за вас така и за бебето.

Психотерапија и фармакотерапија се секако поддршка во ваква состојба.

Побарајте бесплатна консултација или закажете сесија со Сања Бојковска-Ѓорѓевиќ, дипл. психолог ТУКА.

Разговарајте со лиценциран психолог и надминете ги предизвиците.

©CRNOBELO.com Забрането преземање и копирање. Крадењето на авторски текстови е казниво со закон.

фото: приватна архива / depositphotos.com