Што да правите ако вашиот партнер навечер ’рчи и ве буди?

Пробајте да ја промените положбата на партнерот, замолете го да оди на лекар и ако нема друго решение, тогаш легнете во друга соба штом ’рчењето ќе ве разбуди и не можете да заспиете.

Рчењето во сонот е честа појава, но обично не страда личноста која ’рчи, туку оној кој спие со неа.

Ако имате партнер кој ’рчи, веројатно сте поминале многу ноќи без сон, а ова не се одразува само на нивото на енергија, туку и на вашето здравје.

Па, што да направите ако вашиот партнер ’рчи навечер и ве буди?

Одвлечете си го вниманието

Точно е дека ова е полесно да се каже, но пробајте да си го одвлечете вниманието наместо да се фокусирате само на ’рчењето на партнерот и да се фрустрирате.

Пробајте ад медитирате, пуштете си некој поткаст, направете вежби за дишење… Со текот на времето, ова може да ви помогне барем повторно да заспиете.

Купете си тампони за уши

Тампоните за уши се наоѓаат во скоро секоја аптека, а може да ви помогнат да го придушете звукот од ’рчењето на партнерот.

Слушајте „бела врева“

Таканаречената „бела врева“ е звук кој некои луѓе ги релаксира и им помага да заспијат.

Можете на Јутјуб да пребарате видеа со white noise и да проверите дали овој тип на звук ќе ви помогне да заспиете.

Променете ја положбата на партнерот

Многу луѓе ’рчат поради положбата во којашто спијат, обично ако се легнати на грб. Па, ако ’рчењето на партнерот ве разбуди, можете да го свртите на страна.

Ако не можете да го помрднете, во ред е и тивко да му речете да се сврти. Ова не би требало да го разбуди, но сепак ќе ве послуша.

Охрабрете го партнерот да оди на лекар

Ако ’рчењето се случува секоја ноќ или се влошува, тогаш причината може да е здравствен проблем.

Па, разговарајте со партнерот и охрабрете го да оди на лекар.

Спијте во различни соби

Ако нема никакво друго решение, тогаш е сосема во ред да спиете во различни соби со партнерот.

Ова не мора да биде секоја вечер, туку само кога ’рчењето на партнерот ќе ве разбуди.

Како може да ви наштети ’рчењето на партнерот?

Кога ’рчењето на партнерот ве буди во текот на ноќта, квалитетот на сонот може значително да ви се наруши.

Недостатокот од сон, пак, може да води до замор, проблеми со концентрацијата и променливо расположение.

Неко истражувања покажуваат и дека недостатокот од сон може да го зголеми ризикот од висок крвен притисок и проблеми со срцето.

Спирова С. | Црнобело