Вие прашувате, психолог одговара: „Не ми е пријатно кога сум помеѓу луѓе - мислам дека ќе кажам нешто глупаво“

На прашањата од нашите читатели одговара лиценциран психолог/терапевт.

Прашањата за психолозите може да ни ги испраќате на нашиот мејл Оваа е-адреса е заштитена од спамботови. Треба да ви е овозможено JavaScript за да ја видите. – истите треба да бидат концизни и со кирилична поддршка.

Прашање од читател:

„Не се чувствувам пријатно кога сум помеѓу луѓе и во гужва. Имам чувство дека треба да се истакнам, дека сите во мене гледаат, дека ќе кажам нешто глупаво.

Затоа, најчесто сакам да бидам сама. Како да си помогнам?“

Одговор од психолог, Сања Бојковска-Ѓорѓевиќ:

Почитувана, ако вашето чувство кога сте во присуство на други луѓе значајно се разликува од чувството што го имате кога сте сами, секако е исцрпувачко за извршување на вашите секојдневни обврски.

Со терапевт секако би ги разработиле следниве прашања кои ќе бидат значајни за вас: Од кога ја чувствувате оваа промена? Која тема во разговорот посебно ве вознемирува? Што е она што во тој момент го чувствувате, мислите, правите? Што досега сте презеле за намалување на непријатноста? Како мислите дека ве гледаат другите луѓе додека зборувате нешто?

Работата со терапевт би помогнала во олеснување и подобрување на социјалните вештини, во изнаоѓање на вашите резилиентни снаги за справување со оваа ситуација.

Од големо значење е да се увиди реалноста, точноста и функционалноста на мислите што ви се јавуваат.

Како техники за самопомош корисни се техниките за опсервација на ситуациите во кои чувствувате страв и непријатност, техники за релаксација и техники за дишење, а во соработка со стручно лице постепено ќе се изложувате на дадената ситуација и ќе ги јакнете вашите сили за справување.

Побарајте бесплатна консултација или закажете сесија со Сања Бојковска-Ѓорѓевиќ, дипл. психолог ТУКА.

Разговарајте со лиценциран психолог и надминете ги предизвиците.

©CRNOBELO.com Забрането преземање и копирање. Крадењето на авторски текстови е казниво со закон.

фото: приватна архива / depositphotos.com