Мозочен удар, рак на бели дробови: Кои болести се најчестата причина за смрт?

Рак на трахеја, бронхии и бели дробови

Кај овие видови рак, симптомите не се јавуваат во раните стадиуми, што значи во повеќето случаи се дијагностицираат многу доцна.

Лицата со еден од вие ракови можат да живеат со години без да бидат свесни за болеста.

Симптомите може да се јават дури откако ракот ќе почне да се шири и на другите делови од телото. И, токму ова ги прави толку смртоносни.

За да се намали ризикот од овие видови рак, треба да се држите настрана од чад и какви било штетни материи што може да се вдишат.

Во 2021-ва, од овие видови рак починале околу два милиони луѓе.

Деменција

Деменцијата не е една болест, туку збор кој опишува губење на сеќавањето, способноста за говор и други способности за нормално функционирање.

Односно, зброт деменција се користи за заболувања кои предизвикуваат абнормални промени на мозокот.

Алцхајмеровата болест е најчестото од овие заболувања.

Причината за високата стапка на смртност е тоа што за дементните заболувања нема лек, а притоа го ослабуваат и имунитетот.

Па, лицата со деменција се посклони кон сериозни компликации од болести како грип.

Од Алцхајмер и слични заболувања, починале околу 2 милиони луѓе во 2021-ва.

Дијабетес

Дијабетесот е состојба при која телото, односно панкреасот не лачи доволно инсулин за да го регулира нивото на шеќер во крвта.

Постојат два типа дијабетес – тип 1 кој е вроден и тип 2 кој се развива од други фактори.

Постои и гестациски дијабетес кој се јавува за време на бременост.

Дијабетесот е болест којашто може да се контролира и, во зависност од типот, и да се излечи.

Но, го зголемува ризикот од проблеми со срцето, мозочен удар и оштетување на нервите, особено кога не се прима соодветна терапија.

Од дијабетес починале околу 1,5 милиони луѓе во 2021-ва.

Заболувања на бубрезите

Постојат разни заболувања на бубрезите кои доколку напреднат, можат да ја намалат функцијата на овие органи и да ги оштетат.

Бубрезите се како филтер на нашето тело, па кога не функционираат, во организмот почнуваат да се таложат секакви штетни материи и по некое време може да настапи смрт.

Важно е да знаете дека не секое заболување на бубрезите е смртоносно – со денешната медицина, има лек за повеќето проблеми.

Од заболувања на бубрезите, во 2021-ва починале нешто помалку 1,5 милиони луѓе.

Туберкулоза

Туберкулозата е сериозно заболување главно на белите дробови предизвикано од бактерија.

Повеќето заразени успеваат да се излечат, но во некои ситуации, особено кај лица со респираторни проблеми, болеста може да предизвика сериозно оштетување на белите дробови и ова ја прави толку смртоносна.

Од туберкулоза починале околу 1,5 милиони луѓе во 2021-ва.

Спирова С. | Црнобело