8 проблеми што може да ги предизвика ниското ниво на тестостерон кај мажите

Проретчување на брадата, намалено либидо, намалена мускулна маса – тестостеронот е одговорен за многу процеси во телото, па неговото ниско ниво може да предизвика низа проблеми и промени.

Тестостеронот е „главниот“ машки полов хормон кој има важна улога во развојот на машкиот репродуктивен систем, но и во други процеси во телото, како растот на влакна и зголемувањето на мускулната маса.

Тестостеронот се лачи во тестисите, а кога неговото ниво е ниско, може да предизвика низа промени и проблеми. Добрите вести се дека оваа состојба може да се третира, а вие само треба да можете да ја препознаете и да се консултирате со лекар.

8 симптоми и проблеми кои потекнуваат од ниско ниво на тестостерон:

Екстремен замор и недостаток од енергија

Ако чувствувате замор и немате енергија во текот на денот, без разлика колку спиете, можно е да се соочувате со намалено ниво на тестостерон.

Овој хормон има влијание врз нивото на енергија, но и квалитетот на сонот и расположението, па ниското ниво може да резултира со чувство на екстремен замор.

Намалена мускулна маса

Тестостеронот е главниот хормон кој помага во создавањето и зголемувањето на мускулната маса.

Па, ако одите во теретана, но долг период не забележувате никаков напредок, можно е да имате намалено ниво на тестостерон.

Истото важи и ако забележите дека мускулната маса ви се намалува без некоја воочлива причина.

Намалено либидо

Тестостеронот е и главниот хормон кој е одговорен за регулирањето на либидото кај мажите. Па, намаленото либидо, заедно со проблемите со ерекција, е меѓу најчестите симптоми на низок тестостерон.

Дебелеење, особено во областа на стомакот

Тестостеронот има влијание врз метаболизмот – ниското ниво може да го забави, па да предизвика полесно дебелеење.

Овде е и намалената мускулна маса, која исто така може да придонесе во зголемено акумулирање масти, најчесто во областа на стомакот.

Продолжува на следната страница...