4 начини да си го продолжите животот, потврдени од науката

Јадете медитеранска или јапонска храна и ослободете се од вишокот килограми – според науката, доволно е да следиме само четири совети за значително да си го продолжиме животот.

Уште не сме откриле еликсир за бесмртност, но секој од нас сака да живее што е можно подолго. Па, затоа и следиме секакви совети со надеж дека ќе ни го продолжат животот.

Иако никој нема да живее вечно, науката секоја година се подобрува и веќе е докажано дека одредени животни навики навистина имаат голем удел во тоа колку долго ќе живееме.

Кои се научно докажаните совети за подолг живот?

Јадете медитеранска или јапонска храна

Бројни истражувања покажале дека медитеранска и јапонската исхрана се генерално најдобри за здравјето.

Иако потекнуваат од различни краеви на светот, заедничко им е што има многу риба, која е добар извор на протеини и здрви масти, како и многу зеленчук. Притоа, преработената и храната со додаден шеќер е сведена на минимум.

Јапонската можеби не толку, но медитеранската исхрана е лесно да ја следите и кај нас бидејќи ни се достапни скоро сите намирници.

Секако, не мора строго да се водите по овие начини на исхрана, туку потрудете се да внесувате повеќе намирници од нивната листа.

Ослободете се од вишокот килограми

Добро е што почнавме да прифаќаме дека е нормално да не изгледаме сите како супермодели. Но, не смееме да го занемариме фактот дека дебелината сепак има влијание врз здравјето.

Дебелината е поврзана со низа хронични заболувања, како кардиоваскуларни проблеми, дијабетес, но и намалување на животниот век.

Не треба да пробувате да станете топ-модел, но гледајте да имате тежина што е во здрава граница во однос на вашата висина.

Не го минувајте цел ден во седење и лежење

За жал, сè повеќе од времето минуваме во седење – седиме на работа, кога гледаме телевизија, кога сме излезени со друштво…

Но, постојаното седење, дури и ако вежбате неколкупати неделно, носи последици по здравјето и може да го намали животниот век.

Затоа потрудете се да се движите повеќе во текот на денот – наместо да гледате телевизија, прошетајте половина час, одете пеш на работа (или барем некој дел од патот), наместо во локал, со друштво одете на планина или во парк…

Вежбајте што е можно почесто

Редовното вежбање е едно од најдобрите нешта што можете да ги направите за вашето здравје – и физичко, и психичко.

Истражувањата покажуваат дека вежбањето, особено кај постарите лица, има позитивно влијаени врз мозокот, па дури и ја подобрува меморијата.

Покрај движењето во текот на денот што го спомнавме претходно, потрудете се да вежбате барем трипати неделно.

Спирова С. | Црнобело