Видови болка што ги поврзуваме со возраста, но можат да бидат и знак за нешто посериозно

Болката во долниот дел од грбот обично ја припишуваме на возраста, но и на честото седење. Но, ако е постојана или се засилува, може да биде предизвикана и од друг проблем, како камења во бубрезите.

Болката е сигнал со кој нашето тело ни кажува дека има некаков проблем.

Повремено нормално е да чувствувате болка во главата, грбот и кој било дел од телото. Штом болката помине сама и не се повторува, тогаш и не би требало да се грижите.

Постојат и болки кои се нормални со годините бидејќи нашето тело сепак слабее.

Но, некои боли не треба да ги игнорирате, дури и ако сте повозрасни и сметате дека се нормални за вашите години.

Дел од нив во продолжение:

Во долниот дел од грбот

Ова е можеби најчестата болка и обично ја поврзуваме со старост.

Но, во модерно време, свесни сме и дека долгото седење и намалената физичка активност можат да предизвикаат болка во долниот дел од грбот.

Сепак, ако болката станува почеста, се јавува кога се напрегате и не се намалува кога ќе одморите или ќе ги промените животните навики, тогаш консултирајте се со лекар.

Инфекциите на уринарниот систем, како и камењата во бубрезите можат да предизвикаат болка во долниот дел од грбот.

Во градите

Болката во градите обично не е причина за паничење, но сепак не треба да ја игнорирате. Ако ја почувствувате само еднаш, не би требало да сте загрижени.

Но, ако трае, се повторува често и чувствувате притисок, можно е да се проблеми со дигестивниот систем.

Ако болката се придвижува кон вилицата и рацете, тогаш може да е проблем и со срцето.

Во листовите

Болките во нозете се нешто што го очекуваме со годините, но не значи дека треба да ги игнорирате.

Веднаш одете на лекар ако чувствувате болка во листовите, а притоа има оток и забележувате црвенило – во овој случај може да станува збор за згрутчување на крвта.

Во стомакот

Како болката во грбот, и болката во стомакот е доста честа појава и може да биде причинета од безброј работи – од дигестивни проблеми, до менструален циклус.

Сепак, доколку болката трае неколку месеци, не се намалува ако ја промените исхраната или се влошува, тогаш одете на лекар.

Во овој случај може да е некој посериозен дигестивен проблем, како нетолеранција на храна или гастритис.

Во стапалата и дланките

И болката во екстремитетите обично ја поврзуваме со возраста, особено ако не сме многу активни.

Сепак, ако никако не поминува, или е придружена со трнење, не би требало да ја игнорирате бидејќи може да е предизвикана и од оштетување на нервите.

Ова е особено важно ако имате дијабетес.

Главоболка

Повремено, сите имаме главоболка и генерално не е причина за грижа.

Но, болката која се јавува често, се засилува или е нагла и интензивна, никогаш не треба да игнорира.

Ваква болка може да биде предизвикана од низа здравствени проблеми, дури и невролошки заболувања.

Чуди и необјасниви болки

Сигурно барем еднаш ви се случило да почувствувате некоја чудна и „нова“ болка. Ако помине веднаш и не се повтори, тогаш не треба да ве загрижува.

Но, ако болката се јавува често, а не можете да ја утврдите причината, секогаш е добро да се консултирате со лекар.

Овде спаѓаат секакви болки, како невообичаена главоболка, чудно чувство во стомакот, притисок на градите…

Спирова С. | Црнобело