Ана Најдовска расте две деца во Норвешка: „Докторите тука преку видео повик гледаат како дише бебето кога е болно“

Дали Оби јаде и купечки кашички?

Искрено, многу ретко. Преферирам да му приготвувам домашна храна, но кога сме во движење или немаме оброк спремен, како на пример во авион, купечка кашичка е одлична опција.

Дали сè уште се доиш?

Да! Искрено, оваа година ми помина премногу брзо и не ни помислив дека треба да почнеме со одбивање.

Посебно кога ќе помислам дека можеби ова се последните моменти на доење, ми се многу емотивни и убави.

Моментално цица само кога заспива, ако на дремките сме дома, и навечер. Преку ден воопшто не бара.

Со Оланна одбивањето се случи многу спонтано, прво цицаше само навечер, потоа само сабајле повеќе за гушкање.

Еден период бевме на патување и немавме време за тој утрински момент (брзавме за појадок) и по неколку дена престана да бара.

Се надевам дека и со Оби ќе биде исто... природно и спонтано (и на некое патување ха-ха).

Дали ќе правите крштевка на Оби?

На Оби му правевме еден вид на крштевка кога имаше 6 месеци во Осло. Во пентекостал црквата тоа го викаат baby dedication.

За жал, од тој ден немам ниту една фотографија, освен една што е направена отпосле.

Baby dedication не е класична крштевка, туку е чин на кој родителите го посветуваат детето на Бог и се обврзуваат да го воспитуваат во верата, со благослов и молитви од црквата.

Прочитајте и Ана Најдовска за породувањето во Норвешка: „Царскиот рез не е опција и мажите земаат ‘татковско отсуство’ од работа“

С. С. | Црнобело