10 совети за здрави и убави нозе и стапала

За време на летото на нозете треба да им се посвети поголемо внимание за да се спречи пукањето на капиларите болните отекувања на зглобовите и потењето на стапалата.

10 совети за здрави и убави нозе и стапала:

1. Туширајте ги нозете и стапалата наутро и навечер наизменично со студена и топла вода.

2. Дозволете си млаки купки за нозете во вода во која сте ставиле морска сол и неколку капки релаксирачки етерни масла како рузмарин, лаванда, боровинка и мента.

3. Туширањето или купките наутро завршете ги со студена, а навечер со топла вода.

4. Кога и да можете, повеќе пати во текот на денот малку поодете и подигнете ги нозете во водорамна положба, потпирајќи ги на перниче или столче.

5. Воопшто секојдневно повеќе одете и консумирајте Витамин Ц. Така ќе ја ублажите појавата на проширени вени и пукање на капиларите како и болни отоци на зглобовите.

6. Секојдневно негувајте ги нозете со некоја крема за стимулативно дејство на вените и капиларите.

7. Обидете се да одите редовно на масажи и педикир

8. Ако педикирот го правите дома настојувајте да не ја сечете кожата на ноктите за да избегнете воспаленија - едноставно по турпијањето и обликувањето на ноктите благо поттурнете ја кон коренот на ноктите и намачкајте со блага антисептична крема.

9. Грубата кожа на работ од стапалата по туширањето исчеткајте ја со груба четка, а петиците со камен или за тоа предвидена турпија, потоа измијте ги и намачкајте ги со крема.

10. Немојте да заборавите дека женските нозе и стапала побргу стареат од машките За што подолго да ги задржите здрав, млад и свеж изглед на стапалата негувајте ги секојдневно со еднакво внимание како што го негувате лицето и телото.