3 експресни проверки на лошиот здив

Лошиот здив го предизвикуваат бројни фактори. Некои од нив се поврзани со основната хигиена на забите и усната шуплина, но некои се предизвикани од секојдневните навики, односно храната и пијалакот кој го внесуваме во организмот.

Ако планирате да одите на важен состанок, или пак на дружење со пријателите или симпатијата, тестирајте го својот здив на три експресни начини.

1. Со дланката

Лизнете го долниот дел од дланката и почекајте да се исуши плунката. По 5 до 10 минути помирисајте го местото. Непријатниот мирис го предизвикуваат анаеробните бактерии кои во устата создаваат соединенија со сулфур, а сулфурот е главниот виновник за лошиот здив.

2. Со газа

Со парче газа, или памучно крпче добро исчистете го јазикот. Ако на него остане жолтеникава трага, очекувајте и непријатен мирис. Најмногу бактерии кои што предизвикуваат непријатен мирис има на јазикот, под белиот слој каде што се развиваат. Колку е подебел белиот слој на јазикот, тие побргу ќе се размножуваат.

3. Со конец

Со конец за заби исчистете ги катниците, а по чистењето помирисајте го конецот. Ако на него има бели наслаги и ако почувствувате непријатен мирис, време е да се измијат забите. Спомнатите бактерии ги има по целата усна шуплина, а тоа значи и помеѓу забите.