На рачката од женските торба има повеќе бактерии отколку во тоалетот
Обичната женска торба носи на себе повеќе бактерии отколку еден просечен тоалет, покажува најновата студија. Рачката на секоја петта торба има толку бактерии што може да биде опасна и по здравјето.
Со истражувањето кое го спровел хигиенскиот сервис Initial, откриено е дека највалканата работа во секоја женска торба е кремата за раце – тие во себе често пати имаат повеќе бактерии отколку што ги има на капакот од WC шолјата. Во нешто подобра состојба се сјајот за усни и маскарата, а најмногу бактерии се пронајдени во кожните торби поради нивната сунѓереста текстура која е идеална подлога за раст и развој на микроорганизми.
Piter Barat, техничкиот директор во компанијата Initial Hygiene, вели:
Торбите се во постојан контакт со нашите раце, но и со разни површини, па така ризикот за пренесување на бројни бацили е исклучително висок, особено ако сопственичката својата торба не ја чисти доволно често. Кога еднаш ќе дојдат на торбата, со рацете лесно се пренесуваат понатаму. За да се спречи контаминацијата, најдобра превенција е редовното миење и дезинфекција на рацете, како и чистењето на торбите.
Студијата која и претходела на оваа покажала алармантни резултати за хигиената во кујната и на работното место, кои се покажале толку валкани што може да предизвикаат и болести.
Ова истражување, кое го спровела истата установа како и претходното, покажало дека на површината на кујните и деловните простори има колиформни бактерии кои ги има во фекалиите. Се покажало дека исклучително опасни се површините на кои се цедат кујнските садови, бидејќи содржат дури четири пати повеќе колиформни бактерии од дозволеното.
Црвена зона исто така се и рачките од фрижидерите, но и микробрановите печки.