Како да се изборите со попладневниот умор

Редовното вежбање би требало да ни обезбеди дополнителна сила, да ни ја зголеми енергијата. Зошто тогаш многу редовни вежбачи се жалат на чест попладневен умор?

Научниците и фитнес тренерите велат дека без разлика дали вежбате наутро, попладне или навечер, малите промени на рутината може да нè сочуваат од умор во текот на денот.

- Спијте доволно, пожелно е седум до осум часа.

- Пијте доволно вода. Количината зависи од вашиот организам и видот на тренингот.

- Изедете избалансиран оброк со јаглени хидрати и протеини еден час пред тренингот.

- Секои три часа земете здрава ужина како бадеми или јаболко со путер од кикирики.

- Промрдајте се на секои два часа. Прошетајте за време на ручекот, качувајте се по скали или истегнете се. Прошетката од 10 минути може да ви ја врати силата на два часа.

- Менувајте го видот на вежбите и интензитетот. Ако редовно имате кардио тренинг, во фитнес рутината воведете и вежби за издржливост и рамнотежа.