Имунитетска бомба: Направете природен лек против вирози и настинки

Неприродно високите температури за овој период на годината, освен главоболка и поспаност, со себе носат и бројни вирози проследени со воспаление на синусите, кашлање и севкупен пад на имунитетот.

Ако сакате на природен и здрав начин да го зајакнете телото и да ги победите настинките и вирозите направете си едноставен и вкусен напиток .

Состојки:

• 6 лимони
• 1 поголемо чешне лук
• 2 лажичиња ѓумбир во прав
• 2 лажици мед
• 3 филџани сок од ананас
• ¼ лажиче лута пиперка во прав

Подготовка:

1. Во садот од блендер исцедете ги 6-те лимони.
2. Додајте ги сите останати состојки и добро измиксирајте додека не добиете воедначена смеса.
3. Содржината ставете ја во стаклен сад, во фрижидер.
4. Секој ден испијте четири филџани од овој напиток додека симптомите на вирозата потполно не исчезнат.