Подгответе го телото пред почетокот на ски-сезоната

На самиот почеток на ски-сезоната, не би било лошо ако кондиционо се подготвите за спустовите кои ве очекуваат.

Без оглед на тоа дали сакате да скијате, бордате или лизгате на мраз, овие 3 вежби ќе ви бидат од голема помош:

1. Чучнување

Исправете се, рацете припијте ги до телото, а нозете раздалечете ги 20-30 сантиметри. Стапалата нека ви бидат отворени нанадвор и полека спуштајте се надолу, исто како кога чучнувате. Рацете виткајте ги кај лактите, а рамениците нека останат исправени.

2. Чучнување на една нога

Исправете се, застанете на една нога и рацете припијте ги до телото. Со спротивната рака обидете се да ги дофатите прстите на ногата која ја свиткавте, но грбот задржете го исправен.

3. Исчекор

Исправете се, рацете наместете ги на колковите и нозете раширете ги во ширина на рамениците. Подигнете ја десната нога точно 90 степени, а потоа направете максимален исчекор нанапред. Погрижете се грбот да го држите исправен.

* Трите вежби ќе ви помогнат само ако ги практикувате секојдневно. Наутро или навечер, доволни се само 3 серии од по 10 вежби за да забележите неверојатна разлика во еластичноста на вашето тело.