Производи кои ги чистат и штитат вашите заби

Кога јадеме знаеме дека многу од производите или состојките во храната може штетно да влијаат на нашите заби.

Но, постојат и такви производи кои помагаат во нивното чистење и заштита за подобар и поздрав изглед.

Зелен чај

Овој чај содржи полифеноли, антиоксиданси и билни супстанци кои спречуваат нечистотиите да се залепат на забите и спречува создавање кариес. Исто така, го намалува и лошиот здив.

Млеко и јогурт

Незасладениот јогурт или млеко е многу добар за забите. Имаат ниска киселост што ја забавува забната ерозија. Млекото е добар извор на калциум кој е неопходен за забите и коските.

Сирење

Ниското ниво на јаглени хидрати и фосфати им помагаат на забите за одржувањето на рН вредноста, ја обновуваат забната глеѓ и ги уништуваат бактериите кои предизвикуваат кариес.

Овошје

Различното овошје како јаболко, јагода или киви кое содржи многу витамин Ц е клучно за здравјето на непцата. Се одржува мрежата на колаген и штити од парадентоза.

Зеленчук

Тиква, морков, компир и брокули се полни со витамин А.  Овој витамин е неопходен за формирање на забната глеѓ.

Кромид

За здрави заби без бактерии најпрепорачливо е да јадете свеж и сиров кромид.

Целер

Џвакањето целер може да биде од голема корист за заштита на непцата од разни бактерии.

Животински производи

Говедското, пилешкото месо и јајцата содржат фосфор кој е важен за создавање здрави коски. Заедно со калциумот и витаминот Д ги прават забите здрави и цврсти.

Вода

Колку почесто пиете вода, толку повеќе помагате во чистењето на забите и смирувањето на непцата.