Дали треба да пиете суплементи со витамин Д во есен и зима?

Во постудените месеци, кога денот е пократок, минуваме помалку време на отворено и доста често е облачно, кај многу луѓе се јавува недостаток од витамин Д.

Витаминот Д е неопходен за развојот и одржувањето на здравјето на коските, но има важна улога и во нервниот систем и имунитетот.

Ова е витамин што се внесува преку храна, суплементи, но и изложеност на сонце.

Токму затоа, во постудените месеци, кога денот е пократок, минуваме помалку време на отворено и доста често е облачно, кај многу луѓе се јавува недостаток од витамин Д.

Зошто е важен витаминот Д и што се случува кога го немате доволно?

Витаминот Д му овозможува на телото да ги користи калциумот и фосфорот во организмот, со што има директно влијаени врз состојбата на коските и останатите ткива.

Кога има недостаток од витамин Д, се намалува апсорпцијата на калциум и фосфор, што може да води до ниско ниво на калциум во крвта.

Кога недостатокот од витамин Д станува хроничен, се забележуваат и проблеми со здравјето, како ослабени коски и чести скршеници.

Кои се симптомите на недостаток од витамин Д?

Кај децата кои уште се во развој, недостатокот од витамин Д може да предизвика деформитети на коските и зглобовите.

Но, важно е да се напомни дека ова е ретко – кај повеќето деца недостатокот е во поблага форма и предизвикува само слабост и болка во мускулите.

Недостатокот од витамин Д е помалку очигледен кај возрасните, а симптомите вклучуваат:

• Замор
• Болка во коските
• Слабост и болка во мускулите
• Променливо расположение, како депресија

Но, можно е и да немате ниту еден од овие симптоми, а сепак да се соочувате со недостаток.

Кога се јавува недостаток од витамин Д?

Генерално, има две причини за недостаток од витамин Д:

• Не внесувате доволно преку храна или со изложеност на сонце
• Телото не го апсорбира правилно

Секако, постојат и други можни причини, како одредени здравствени проблеми и некои лекови.

Целијакијата и цистичната фиброза се дел од болестите кои може да имаат влијание врз апсорпцијата на витаминот Д.

Исто така и дебелината може да го намали неговото ниво.

Кој е изложен на поголем ризик?

Покрај медицинските состојби, постојат и други ризични фактори:

Возраст: Со годините, се намалува способноста на кожата да произведува витамин Д. Па, лицата над 65 години се изложени на поглем ризик. Истото важи и за бебиња.

Боја на кожа: На лицата со потемна кожа им е потешко да создадат витамин Д со помош на сончева светлина, па тие се изложени на поголем ризик.

Подвижност: Со неподвижноста, може да се намали изложеноста на сонце, а ова да го намали нивото на витамин Д во организмот.

Што да правите ако имате ниско ниво на витамин Д?

Ако се сомневате дека имате намалено ниво н витамин Д, добро би било да се консултирате со лекар.

Побајте да внесувате повеќе преку храна и минувајте повеќе време на сонце.

Намирници кои се богати со витамин Д се лосос и туна, жолчка од јајца, печурки, како и растителни млека, житарици и слично кои имаат додаден витамин Д.

Но, немојте да пиете суплементи на своја рака. Односно, вашиот лекар ќе ви каже дали има потреба од тоа.

Спирова С. | Црнобело