Црвена експлозија: Пијалак против пролетниот замор

Додека природата ве повикува да се разбудите од зимскиот сон, вашиот организам не е подготвен да одговори веднаш на изобилството сончева енергија и забрзаното темпо на денот.

Многу од луѓето патат од пролетниот замор кој настанува  поради нерамнотежата во телото и ослабениот имунитет.

Губењето на апетитот, несоницата, истоштеноста и лошото расположение најбрзо се лечи со правилна и регулирана исхрана потпомогната со енергетски бомби.

Црвената доза енергија ќе ве разбуди побрзо и од ладниот туш.

Состојки:

• 3 репки со тежина до 300 гр.
• 2 моркова со средна големина
• 2 стебленца целер
• 5 парчиња пашканат
• 1 луто пиперче
• 4 ротквици со средна големина
• 4 домати

Подготовка:

Репките и морковот излупете ги,  а останатиот зеленчук добро измијте го. Исечкајте го лутото пиперче и целото додајте го во сокот. Зеленчукот ставете го во блендер и измиксајте го.

Свежиот сок се препорачува да се консумира по првиот утрински оброк.