Сѐ што треба да знаете за вашето омилено летно задоволство - лубеницата

Лубеницата содржи 92% вода што е доволен показател дека таа е одлично освежување во летните, жешки денови.

Освен тоа, лубеницата содржи низа хранливи материи кои се од голема корист за нашата внатрешна, но и надворешна убавина.

Со секој сочен залак од ова летно задоволство внесувате доволно количество на витамините А,Б и Ц. Освен тоа, лубеницата содржи многу ликопен, антиоксиданси и аминокиселини и скромно количество на калиум.  

Позитивните својства на лубеницата:

1. Добра e за срцето - Освен богатото количество на ликопен, кој е добар за заштита на крвните садови, лубеницата содржи и цитрулин и аргинин кои помагаат во намалување на мастите и намалување на крвниот притисок.

2. Дејство против воспаление - Повторно со помош на ликопенот, лубеницата ги намалува воспаленијата, ја одржува структурата на ќелиите и ги апсорбира мастите во телото.

3. Хидратација - Со оглед на тоа што содржи 92% вода, лубеницата е таа која ќе ве заштити од топлотен удар и дехидрација. Лубеницата содржи електролити кои го спречуваат телото од дехидрацијата.

4. Варење - Овој здрав и вкусен десерт содржи влакна кои помагаат во одржување на нашиот дигестивен систем.

5. Коса и кожа - Витаминот А е одличен за здрава кожа и коса, а лубеницата е таа која ќе ви пружи доволно количество на витаминот А. Освен тоа, таа содржи и витамин Ц кој целосно помага на вашиот организам.

6. Мускули - Пред да заминете на тренинг, јадете лубеница или пак пијте свеж сок од лубеница, бидејќи таа го спречува воспалението на мускулите.

7. Против рак - Заради антиоксидансите кои лубеницата ги содржи, со нејзино консумирање го намалувате ризикот од канцерогено заболување.

Здравствени ризици:

Доколку се консумира во разумна количина, лубеницата не произведува некои споредни и сериозни ефекти кои би биле лоши по вашето здравје.

Но доколку лубеницата ја консумирате во преголема количина и секојдневно, може да дојде до посериозни проблеми со тоа што нивото на ликопен или калиумот ќе ви биде зголемено, па можна е појавата на дијареја.

Преголемата количина на калиум, може да предизвика неправилно или забрзано отчукување на срцето или други кардиоваскуларни проблеми.