Женско здравје: 3 превентивни чекори за здрава интимна зона додека летувате

Дозволете си целосно опуштање за време на летниот одмор така што ќе се ослободите од грижите за интимното здравје, бактериите и инфекциите.

Инфекциите и бактериите се размножуваат во влажни средини, а затоа што сè почесто ќе бидете во мокар костим за капење, добро би било да преземете неколку превентивни чекори.

Спакувајте ја омилената заштита

Зависно од тоа дали користите пилули или презервативи, задолжително понесете ги, дури и да не очекувате акција. Ќе се заштитите од несигурните производи кои ви се нудат во земјата во која престојувате, како и од незаштитениот секс кој е сигурен пат до инфекции и преносливи болести.

Задолжително меморирајте го бројот на вашиот гинеколог

Ако забележите симптоми за уринарна инфекција или било какво непријатно чувство, ова ќе ви ги олесни сите сомнежи. Докторот само може да ви даде совет или терапија за побрзо лечење.

Понесете крема против габични инфекции

Излежувањето во мокар костим за капење ја зголемува шансата за нивно размножување, па затоа со вас понесете крема која се продава без рецепт. Ако почувствувате било каква промена и непријатно чувство веднаш нанесете ја кремата. Воздржете се од секс 1 ден, облечете сув костим за капење и подготвени сте за безгрижно разладување.