Зошто не смеете да ја сушите облеката на радијатор

Времето станува сè постудено, а облеката најбрзо се суши на радијатор. Но, тоа воопшто не е добра идеја.

Шкотски истражувачи од Архитектонскиот факултет во Шкотска заклучиле дека многу домови имаат премногу влага, а причина за тоа е сушењето на облеката во домовите.

Три четвртини од стотина испитани домови имале влага и мувла. Ваквиот воздух предизвикува појава на астма и слични алергии, особено кај децата.

Тоа го зголемува количеството на влага, а подоцна доведува до проблеми со дишните патишта.

Луѓето гледаат како да ги искористат повеќе радијаторите и останатите грејни тела во текот на зимата, а не размислуваат дека е неопходно и проветрување во текот на тие денови.

Најдобро е да се најде соодветен празен посебен простор во кој ќе може да се суши облеката доколку надвор времето е ладно.

Симптоми за инфекција на дишните патишта од влага и мувла вклучуваат кашлање, непрекинат замор, иритација на очите, грлото и кожата, главоболки и мачнини.