Сè што треба да знаете за токсичниот шок предизвикан од тампоните: Како да ги користите најбезбедно?

За потполната безбедност на тампоните со кои е загарантирана секоја активност, скептичните жени имаат поинакво мислење.

Голем број од жените не веруваат дека тие се апсолутно сигурни, туку дека на некој начин може да им наштетат. За жал, стручните лица го потврдија ова.

Вистина е дека тампоните може да доведат до токсичен шок синдром, иако се случува многу ретко.

Се работи за ретка бактериска инфекција која се препознава според следниве симптоми: грозница, повраќање, дијареа, вртоглавица и алергиска реакција.

Ризикот за оваа појава се зголемува доколку користите поголеми тампони со посилна моќ на впивање или предолго ги оставите да стојат.

За ризикот да се сведе на минимум, жените задолжително би требало да ги измијат рацете, да користат помали тампони и да ги менуваат на максимум 4 часа, советуваат лекарите.

Стручните лица откриваат дека тампоните содржат и 2 опасни супстанци – материјалот од кој е изработена површината за подобро впивање и избелувачот кој го содржат.

Индустријата за тампони верува дека во тампоните е неопходен избелувач за жените да го гледаат производот како чист и сигурен, иако токму оваа супстанца се смета за потенцијално канцерогена и токсична за имунитетот.

Затоа задолжително заштитете го вашето здравје, читајте го упатството и побарајте тампони без избелувачи.