4 правила за одржување на интимната хигиена во лето

Зголемените температури и жешките летни денови носат со себе и зачестено потење особено во делот на интимната зона. Токму затоа потребно е внимателно да го негуваме овој дел од телото.

Постојат 4 правила за одржување на хигиената на интимната зона на кои треба да се внимава:

1. Користете сапун без мириси

Благодарение на способноста вагината сама од себе да се чисти од нечистотиите, најдобро е да употребувате само обична вода. Сепак, доколку не сакате да се откажете од употребата на сапуни и гелови за миење, тогаш најдобро е да се одлучите за оние неутралните кои нема да наштетат на микрофлората. Доколку имате проблеми со непријатен мирис најдобро е да посетите гинеколог.

2. Внимателно одбирајте ја долната облека

Чипкастите, сатенските и синтетичките гаќи потребно и пожелно е во текот на летото да ги избегнувате. Ваквата долна облека ја задржува влагата во интимната зона која често како резултат на топлините може да предизвика појава на габични инфекции. Најдобар избор се памучните гаќички.

3. Употребувајте добри интимни влажни марамчиња

Со себе секогаш носете пакетче марамици за интимна нега. Истите неопходно е да бидат со неутрална pH вредност, да не содржат алкохол и да бидат биоразградливи.

4. Внимавајте на внатрешните влакна

Негативна појава од интимната депилација се внатрешните влакненца кои ниту една жена не ги посакува кога е време за носење на костим за капење. За да ја спречите појавата на внатрешните влакненца најдобро е два дена по восочната депилација да направите пилинг на интимната зона.

Никогаш не се обидувајте да ги скубете влакненцата бидејќи на тој начин бактериите кои се на вашите раце ги пренесувате на интимната зона и постои можност за појава на бактериски и габични инфекции.