9 сигнали од телото кои треба да ги сфатите сериозно

Телото е најкомплицираната машинерија која постојано ни испраќа сигнали кога некаде ќе заглави. Но, од невнимание или незнаење, често ги игнорираме.

Денес одвојте 5-10 минути и проверете дали сте воочиле и игнорирале некој од следниве 9 знаци:

Темни кругови околу очите

Ако спиете 7-8 часа во текот на ноќта, а повторно се будите со темни кругови под и околу очите, може да се работи за анемија. Кога телото произведува помалку црвени крвни зрнца, кожата околу очите брзо може да потемни.

Различна боја на прстите

Ова е прв знак на Рејно феноменот - состојба кога ниските температури предизвикуваат грчеви на крвните садови, што доведува до промена на бојата на прстите.

Заматен вид

Ако очите често ви се изморени, ќе забележите дека видот полека ви ослабува и ви се поматува. Ова е прв знак дека ќе развиете миопија или астигматизам, затоа најдобро е да се консултирате со офталмолог.

Чудни форми пред очите

Ако од време на време гледате точки или линии пред очите, со светла или бела боја, задолжително одете на проверка на видот. Ова е прв знак кој предвидува катаракта и други сериозни очни болести.

„Музика“ во абдоменот

Крчењето во стомакот, ако е ретко, не е страшно, но ако е проследено со болка, мора да посетите лекар.

Лупење на кожата

Сигнал дека ви недостасуваат витамини. Добрата исхрана е гаранција за нормална кожа, па ако се јави лупење и чешање, мора да се консултирате со лекар. Исто така, постои голема шанса да се работи за габична инфекција која мора да се третира соодветно.

Парцијално губење на мирисот

Ако чувствувате дека сетилото за мирис ви ослабува или се губи постепено, може да се работи за сериозна настинка или инфекција. Затоа, не го игнорирајте овој знак.

Играње на окото

Повременото играње на окото може да се јави од претерано напрегање на очите и видот, а може да се спречи и смири со ладни облоги. Ако не престанува, може да се работи за нервно нарушување, кое мора да се следи од доктор.

Ѕвонење на ушите

Иако мислите дека е безопасно и ќе помине брзо, доколку ѕвонењето на ушите е често и непријатно, можеби се работи за патолошка состојба.

М. Д. | Црнобело