Се лажете самите дека сте испиле помалку: Знаци кои ви покажуваат дека имате проблем со алкохолот

Многу често проблемите со зависност од некоја супстанца не ги воочуваме се додека не станат сериозни.

Може да сме на пат да станеме зависни од некоја супстанца, но тоа да не го забележуваме.

Еве неколку знаци дека можеби треба да намалите на консумирањето алкохол:

1. Се опуштате со неколку чаши алкохол пред да се сретнете со пријателите

Преубаво е чувството кога ќе се напиете една чаша вино за да се опуштите во текот на денот, но станува проблем кога имате потреба да се напиете по неколку чаши пред да излезете од дома и да се сретнете со вашите пријатели. Ова најчесто го прават студентите кога за да заштедат пари пијат неколку пијачки дома и потоа седат со по една чашка на излегување. Меѓутоа ако ова ви стане ритуал, работите многу лесно може да излезат од контрола и да почнете да консумирате многу повеќе отколку што треба.

2. Целиот социјален живот ви се врти околу пиењето

Ако сте оној во друштвото кој цело време ги бара пријателите да излезат и да пијат, тогаш можеби е време да размислите дали социјалниот живот и изборот на пријатели ви зависи од тоа колку се подготвени тие на секое излегување да ви прават друштво за пиење. Исто така може да ви се случува често да сакате да останете дома да пиете нешто одколку да излезете во трезна дружба.

3. Се лажете самите дека сте испиле помалку

Многу често се лажете дека двете чашки што ги испивте пред неколку часа не се важат, затоа што поминало повеќе време или сте јаделе нешто и слично. Ако често креирате вакви формули за броење на чашите и пробувате да го намалите бројот за да не звучи толку лошо, тогаш е навистина можно дека сте почнале да претерувате.

4. Се плашите да останете без ни едно шише алкохол дома

Константо се грижите дали дома имате алкохол или купувате по повеќе шишиња во случај да не биде затворено во недела и слично. Купувате секогаш повеќе за секој случај и ако имате немате допиено некое шише на овој начин се убедувате дека е во ред да го допиете затоа што имате вишок.

5. Се нервирате кога гледате дека другите пијат бавно

За вас алкохолот престанал да биде уживање. Станувате нервозни кога гледате дека некој бавно пие и едвај чекате да ја заврши чашката за да може да порачате нова тура. Исто така може да се изнервирате ако некој од пријателите ви каже дека му е доста една чаша и сака да си оди дома, а вие само што сте почнале.

А. В. | Црнобело