Тајната за здрав живот од жена која преживеала рак и изгледа децении помлада - 6 шолји чај, секој ден

Жена која преживеала рак на дојка, сега гордо ја покажува својата фигура и објаснува како ја одржува.

За Сју Лиминг, многумина би рекле дека е во нејзините 30-ти години, но таа има 51 година.

Кога била дијагностицирана со рак на дојката, решила да заборави на нездравите навики и не само што успеала да се излечи, туку и да изгледа како да е најмалку две децении помлада и со совршено витка фигура.

Тајната на нејзиниот младешки изглед е тоа што избегнува храна од животинско потекло и пие по 6 чаши чај на ден.

„Луѓето велат дека изгледам како да сум помеѓу 35 и 43 години, па и дека секој ден се подмладувам. Не можат да поверуваат колку години имам кога ќе им кажам.“ - вели Лиминг.

„Никогаш не сонував дека ќе успеам да живеам толку долго, па и да изгледам онака како што изгледам на 51 година. Никогаш не сонував дека едвај ќе чекам да облечам костим за капење како во Baywatch“ - додава.

Сју се води по ригорозна диета и режим за разубавување за да изгледа така како што изгледа.

„Пешачам секој ден, медитирам и пијам многу хербални чаеви“ - вели таа.

„Никогаш не отстапувам од мојата диета и намалив на количините на шеќер кои ги внесувам“ - додава.

„Повеќе не пијам газирани пијалаци, ниту алкохол, ама понекогаш си дозволувам по една чаша црвено вино“ - објаснува.

Повеќе не јаде месо, месни и млечни производи, а јаде по 8 порции зеленчук во текот на денот.

Но, Сју не живеела отсекогаш така. На млади години, таа пиела секој ден и работела по 12 часа сè до 2007-ма кога и бил дијагностициран прогресивен рак на дојка. Лекарите ѝ кажале дека нема да живее повеќе од 5 години.

Ама, тоа само ја мотивирало да почне да живее здраво. Во 2009-та година, работите драстично се промениле и успеала да се излечи од ракот, благодарение на промените на животните навики.

Н. Г. | Црнобело