Делови од телото кои не смее да ги допирате со раце

Истражувањата покажуваат дека рацете се најчестите преносители на бактерии, заради што често се соочуваме со здравствени проблеми.

Дури и откако ќе ги измиеме, тие за неверојатно кратко време веќе се полни со бактерии кои чекаат да бидат пренесени. Ова особено важи за девојките кои имаат долги нокти.

За да избегнете најразлични болести и инфекции ова се местата кои во никој случај не треба да ги допирате со рацете:

1. Ушна школка

Никогаш не треба да ги ставате прстите или било кои други предмети во ушната школка. Истото важи и за чепкалките за уши кои повеќето луѓе ги користат не знаејќи за нивното лошо влијание. Ако подолго време чувствувате дека ве чешаат ушите, време е да посетите лекар.

2. Лице

Пред да го чистите лицето и да нанесувате какви било козметички средства, мора внимателно да ги измиете рацете. Во текот на денот обидете се допирањето на лицето да го сведете на минимум.

3. Очи

Допирањето на очите е дозволено само доколку ставате контактни леќи или ја отстранувате шминката, што секако треба да го првите со чисти раце. Допирањето на очите кога тоа не е потребно може да предизвика бројни инфекции.

4. Усна шуплина

Луѓето понекогаш дури и несвесно ги носат прстите до устата или ги чепкаат забите со нечисти раце. Имајќи предвид што сè допирате со рацете, постојат огромни шанси за внесете еден куп бактерии.

5. Носна шуплина

Престанете да „копате“ во вашиот нос со прстите. Оние личности кои имаат навика да „чепкаат“ во својот нос имаат многу поголема шанса да внесат бактерии како стафилокока. Оваа бактерија е една од најчестите инфекции кои се пренесуваат на овој начин.

6. Делот под ноктите

Долгите нокти се одличен извор на бактерии, меѓу кои и опасната стафилокока. За да го сведете ваквиот ризик на минимум, секогаш водете сметка ноктите да ви бидат уредни и исечени.

М. С. | Црнобело