4 навики кои предизвикуваат често појавување на Кандида

Габичните инфекции предизвикани од габата Кандида се еден од најчестите гинеколошки проблеми кај жените.

Жените често се жалат на постојано воспаление без да знаат зошто тоа се случува.

Малку познат факт е дека секојдневните навики неретко знаат да бидат причинител на развојот на габичните инфекции.

Не постои единствена мерка на претпазливост која може да ве заштити од овие непријатни болести, но доколку сакате да го  намалите ризикот од нивна појава, избегнувајте ги следниве 4 навики:

1. Консумирање на големи количини на храна која содржи шеќер или квасец

Храната богата со шеќер и квасец ја храни габата. Прекумерната употреба на алкохол исто така може да предизвика габични инфекции. Доколку сте склони кон вакви инфекции, бидете умерени во консумирањето на слатки и храна како сирење, печурки и ферментирана храна.

2. Премногу често земање на антибиотици

Антибиотиците можат да ги уништат бактериите кои предизвикуваат болест, но исто така можат да ги уништат и добрите бактерии кои ја одржуваат киселоста и pH вредноста на ниско ниво.

3. Користење на одредени видови на контрацепција

Габична инфекција често се појавува и кај бремени жени, и корисници нa хормонска контрацепција. Во тој случај се препорачува контрацепција со помала доза на естроген.

4. Носење на премногу тесна и мокра облека

Синтетичката или премногу тесна облека може да предизвика појава на габични инфекции. Затоа после вежбање се препорачува да се носи сува и чиста облека.

М. С. | Црнобело