Како да распознаете каков инсект ве каснал?

Ретко кој е отпорен на здодевните инсекти кои буквално напаѓаат кога и да начекаат гола кожа.

Сепак, нема место за паника. Ако внимателно знаете да ги распознаете каснатините, ќе знаете и правилно да се заштитите.

Затоа, важно е да запаметите:

Каснатини од комарец - малечки набабрени точки кои ако ги допрете почнуваат да чешаат и стануваат црвени. Во некои случаи и се дујат.

Каснатини од крлеж – каснатината е проследена со црвенило. При каснатините од крлеж важно е да се консултирате со лекар за негово отстранување.

Каснатини од болва – слични се како со каснатините од комарец, со таа разлика што чешаат до болка. Една болва може да ве касне на повеќе места во растојание од 1-2 сантиметри.

Убод од пчела – кожата околу убодот веднаш станува црвена и важно е правилно да се отстрани остатокот. Проследен е со болка, а неретко и алергиска реакција.

Убод од оса – симптомите се слични како кај пчелата, со таа разлика што во овој случај се појавува плик кој чеша, пече и боли. Исто така, осата може да касне повеќепати.

Убод од стршлен – црвенилото и отокот се првите симптоми, исто како и пликовите кои може да се појават на кожата.

Каснатина од мравка – иако сметаме дека мравките се безопасни, сепак ако ве полазат може да ви остават пустули и меурчиња кои може да останат во облик на лузни засекогаш.

Траги од вошки – ако на главата, вратот или зад ушите забележите мали црвени точки, значи дека некаде по телото имате вошки. Каснатините обично се на растојание од неколку сантиметри.

Важно: Во сите случаи побарајте лекарска помош или барем консултирајте се со стручно лице. Инсектите се опасна работа и може да пренесат болести и инфекции.

М. Д. | Црнобело