Грижа за себе: Победете ја анксиозноста за 21 ден

Нагли промени во расположението, нервоза поради ситници, физички промени на телото – сите овие симптоми укажуваат на анксиозност.

Тешко е да се живее со оваа состојба која е сè поприсутна во модерниот свет. Постојат многу работи кои ги правите, а не сфаќате дека се заради анксиозност и постојат и природни начини кои можат да ви помогнат.

Но, постои и еден нов, интересен предизвик за кој психолозите тврдат дека се докажал како мошне функционален кај луѓето кои не можат да воспостават ментална рамнотежа.

Најдобрите резултати се постигнуваат чекор по чекор, а не наеднаш, па поради тоа овој предизвик вреди да го пробате. Трае 21 ден и ги решава проблемите кои настануваат поради анксиозност.

Прочитајте што треба да правите во деновите од предизвикот:

1 ден: Бојте во боенка

2 ден: Правете вежби за дишење околу 10 минути

3 ден: Слушајте музика која го подобрува расположението (или која ви влијае позитивно кога ја слушате)

4 ден: Медитирајте.

5 ден: Јавете му се на некој драг пријател со кој одамна се немате слушнато.

6 ден: Трчајте или вежбајте.

7 ден: Кажувајте си мантри за позитивна енергија.

8 ден: Исплачете се или најдете друг начин да ја извадите негативната енергија надвор.

9 ден: Запишете си ги чувствата во дневник.

10 ден: Решете некоја крстозборка.

11 ден: Исфрлете го кофеинот, барем за одредено време.

12 ден: Опуштете го телото и танцувајте слободно, без срам.

13 ден: Правете вежби со анти-стрес топчиња. Притиснете ги со дланките, па пуштете ги.

14 ден: Направете си топла купка.

15 ден: Смејте се. Пуштете си смешни видеа, гледајте смешни фотки, читајте вицови, итн.

16 ден: Започнете некое креативно хоби.

17 ден: Пробајте јога вежби за истегнување и опуштање.

18 ден: Направете дигитален детокс, барем за тој ден. Поминете цел ден без телефонот или компјутерот.

19 ден: Излезете надвор на прошетка.

20 ден: Направете „распоред на грижи“. Одвојте време во денот во кое ќе мислите на грижите, а останатото време поминете го во правење други нешта.

21 ден: Прифатете го сето она што го чувствувате.

М. В. | Црнобело