Шампањ, чоколадо и цитрусна купка: Уникатни начини да ги избегнете есенските настинки

Топлото време полека исчезнува и станува сѐ посвежо, па ништо чудно ако околу вас постојано слушате кашлање и кивање.

Повеќето мислат дека е уште рано за топлата облека и се храбри да излезат надвор како уште да е лето.

Но, на сите ни е добро познато дека меѓусезоните се период кога настинките се најзастапени токму поради таа причина.

Па, ако сакате да се заштитите од нив, но на пријатен и вкусен начин, почнете да практикувате некои од овие совети:

Чоколадо

Освен што чоколадото го подобрува расположението и помага во депресија, исто така и го зајакнува имунитетот.

Гума за џвакање

Точно дека понекогаш може да предизвика дуење и оштетување на забите ако долго ги џвакате. Но, исто така и го прочистува грлото и спречува инфекции во устата, па неколку минути џвакање не би требало да влијаат лошо.

Шампањ

Според француски доктор, шампањот помага во неутрализирање на токсините во телото, но не треба да се пие ладен.

За да го користите како „лек“, истурете една чаша шампањ во тавче, додадете лажичка мед и оставете да зовријат. Потоа оставете пијалакот малку да се излади и навечер испијте го.

Не заборавајте да додадете куркума во храната 

Куркумата се користи како зачин, но многу малку луѓе знаат дека има голема моќ да го заштити организмот од настинки. Содржи состојки кои се доволно моќни да ги уништат бактериите и вирусите.

Банана како додаток во ужините

Бананата ослободува од стрес и го подобрува расположението, што е исклучително важно кога сите околу вас се со лошо расположение заради настинките. Плус, бананата содржи витамин Ц, што му помага на телото да се справи со инфекциите.

Многу јогурт

Заради високото ниво на пробиотик, јогуртот придонесува за зајакнување на имунитетот. Секојдневно консумирање на јогурт ќе биде значајно за телото во период на настинки.

Зелен чај

Зелениот чај е богат со корисни состојки како јод, магнезиум, фосфор и цинк, па благодарение на нив, една шолја зелен чај ќе ви го зајакне имунитетот.

Цитрусна купка

Барем еднаш неделно наполнете си ја кадата со топла вода и истурете сок од лимон и портокал (или искoристете сува кора). Аскорбинската киселина ќе го прочисти телото од инфекции, а освен тоа цитрусната купка е и добар антидепресив.

М. М. | Црнобело