6 одвратни работи што може да им се случат на вашите стапала

Од испукани петици и брадавици до габични инфекции на ноктите, проблемите со стапалата знаат да бидат навистина болни и долготрајни.

Постојано се грижите за тоа како изгледаат вашата коса и лице, но дали обрнувате доволно внимание на негата на стапалата или чекате да се појави некој проблем, па дури тогаш делувате?

Време е да ја смените оваа навика затоа што вашите стапала заслужуваат внимание, исто како и остатокот од вашето тело.

Редовната хигиена е неопходна за здрави и убави стапала. Еве дел од проблемите со кои најчесто се соочуваме:

Нокти израснати во месо

Сте почувствувале печење и ужасна болка кога нокотот ви расте во месо бидејќи лошо сте го исекле претходно? Ова дефинитивно не е пријатно чувство.

Не ви останува друга опција освен да ја трпите болката и да чекате сам да израсне, но ако ситуацијата стане сериозна и неподнослива, тогаш време е за мал хируршки зафат.

Испукани петици

Забележувате дека на вашите стапала започнаа да се појавуваат неколку линии, кои стануваат се подлабоки и полоши затоа што не преземате ништо во врска со нив? Испуканите петици не само што изгледаат одвратно, туку може и да болат.

Купувањето на некоја маст или вазелин и масирањето со неа секоја ноќ пред спиење ќе ви помогне во решавање на проблемот. Исто така, може да појдете на педикир.

Плускавци

Дали некогаш ви се случило едвај да одите затоа што на ногата имате плускавец? Толку мал, а предизвикува толкава болка.

За да го избегнете ова непријатно чувство купувајте меки и удобни чевли, а ако по секоја цена сакате да облечете некои неудобни, тогаш прво ставете фластери на критичните места, па облечете ги.

Габични инфекции

Габичните инфекции на стапалата често се случуваат кај луѓето што се занимаваат со спорт, но тоа не значи дека не се јавуваат и кај останатите. Кој сака неговите нозе да бидат заразени со бактерии што предизвикуваат иритација, нервоза и болка?

Помогнете си така што ќе носите чевли со подобра вентилација и избегнувајте да шетате боси, бидејќи можете да влезете во невидлив „вир“ од бактерии што го оставил некој друг.

Брадавици

Брадавиците ги предизвикува вирусот наречен Verruca vulgaris. Заразни се и може да се прошират и на другите делови од телото.

Брадавиците на стапалата може да бидат многу болни поради притисокот врз нив. Најдобар третман е внесување на витамин А, 2 пати на ден. Закрепнувањето е бавно и тешко, па консултирајте се со вашиот доктор за решенија како горење со азот.

Инфекции на ноктите

Габичните инфекции ги задебелуваат вашите нокти и прават да изгледаат лошо.

Добро е што не се заразни, но лошата вест е што може да се контролираат, но не може сосема да се излечат. Во оваа ситуација најдобро решение ви се оралните лекарства и спрејот против габични инфекции.

С. С. | Црнобело